Crops Advisor (Taungdwingyi)

Proximity Finance

Proximity Finance

Posted on Friday, May 31, 2024

Crops Advisor သည် တောင်သူများ စိုက်ပျိုးထားသော သီးနှံများတွင် ကျရောက်သော ဖျက်ပိုးများ၊ ရောဂါများ ၊ မြေဆီလွှာပြဿနာများ နှင့် အာဟာရဆိုင်ရာပြဿနာများကို ဘက်စုံသီးနှံကာကွယ်ရေးစနစ် ဖြင့် အထိရောက်ဆုံးနည်းလမ်းများ၊ သဘာဝပတ်ဝန်ကျင်ထိခိုက်မှု အနည်းဆုံး နည်းလမ်းများနှင့် အထွက်နှုန်းဆုံးရှုံးမှု အနည်းဆုံးဖြစ်စေရန် ဆွေးနွေးအကြံပေးရပါမည်။ ၎င်းဆွေးနွေးအကြံပေးမှုများကို လုပ်ဆောင်ရန် တောင်တွင်းကြီးမြို့နယ်တွင် လစ်လပ်လျက်ရှိသော Crops Advisor (၁) နေရာအား ခန့်ထားရန်ရှိပါသည်။

လုပ်ငန်းတာဝန်များ

  • တောင်သူများကြုံတွေ့နေရသည့် ပိုးမွှားရောဂါများ၊ မြေဆီလွှာပြဿနာများ နှင့် အာဟာရဆိုင်ရာပြဿနာများကို ခွဲခြမ်းစိတ်ဖြာပြီး လိုအပ်သော အကြံပြုချက်များ ပေးရန် နှင့် အကြံပြုချက်အတိုင်း လုပ်ဆောင်နိုင်အောင် စည်းရုံး ဆွေးနွေးရန်။
  • မြေကြီးနမူနာများကို ဓာတ်ခွဲ စမ်းသပ်စစ်ဆေးခြင်းများ ပြုလုပ်ရန်။
  • ပိုးရောဂါ အကြောင်း ပညာပေးဆွေးနွေးပေးခြင်း နှင့် ဓါတုဗေဒပိုးသတ်ဆေးများကို အန္တရာယ်ကင်းရှင်းစွာ ကိုင်တွယ် အသုံးပြုနည်းများကို လိုအပ်သလို စံနှုန်းများအတိုင်း အကြံပြုရန်။
  • ပိုးရောဂါ ဖြေရှင်းခြင်း ဝန်ဆောင်မှုကို Digital Channels နှင့်သာမက ကွင်းဆင်းခြင်းဖြင့်ပါ ဝန်ဆောင်မှု ပေးရန်။
  • မိမိလုပ်ဆောင်ရသည့် လုပ်ငန်းနှင့် ပတ်သက်သည့် အချက်အလက်များ ၊ မှတ်တမ်းများ အား Digital tool များဖြင့် စာရင်းသွင်း အစီအရင်ခံစာ တင်ရန်။
  • ထုတ်ကုန်အသစ် နှင့် ဝန်ဆောင်မှုအသစ်များ အတွက် Agronomy Team နင့် တွဲဖက်ပြီး Field Trial များကို ပူးပေါင်းဆောင်ရွက်ရန်။
  • အဖွဲ့မှ တိုးချဲ့လုပ်ဆောင်သော လုပ်ငန်းစဉ်များ နှင့် ဝန်ဆောင်မှု အသစ် များ လုပ်ဆောင်ရာတွင် စိတ်အားထက်သန်စွာ ပူးပေါင်း ပါဝင်ရန်။
  • တစ်လတစ်ကြိမ်၊ သုံးလတစ်ကြိမ်နှင့် နှစ်ပတ်လည် ရည်မှန်းချက်များ ချမှတ်ခြင်းနှင့် ပြန်လည်သုံးသပ်ခြင်း လုပ်ငန်းများတွင် ပါဝင်ဆောင်ရွက်ရန်။
  • Contact center မှ လွှဲပြောင်းသော တောင်သူများအား သတ်မှတ်အချိန်အတွင်း ၎င်းတို့ထံဆက်သွယ်၍ ဝန်ဆောင်မှုပေးရန်။
  • အဖွဲ့အစည်း၏ ရည်မှန်းချက် နှင့် ရုံးခွဲ၏ ရည်မှန်းချက်များ ကို အကောင်အထည်ဖော်ဆောင်ရွက်ရာ တခြားသော လုပ်ဖော်ကိုင်ဖက်များနှင့် လက်တွဲဆောင်ရွက်ရန်။

လိုအပ်သော အရည်အချင်းများ

  • စိုက်ပျိုးရေးတက္ကသိုလ် သို့မဟုတ် စိုက်ပျိုးရေးသိပ္ပံ တစ်ခုခုမှ ဘွဲ့ရရှိပြီးသူ။
  • လူမူဆက်ဆံရေးကောင်းမွန်၍ တောင်သူများရှေ့တွင် စကားပြောနိုင်သူ။
  • စိုက်ပျိုးရေးနည်းပညာများကို စဉ်ဆက်မပြတ် လေ့လာသင်ယူလိုစိတ်ရှိသူ။
  • ကျေးလက်ဒေသ ဖွံ့ဖြိုးရေး နှင့် တောင်သူများအား ကူညီရန် စိတ်အားထက်သန်သူ။
  • အလုပ်တွင်ပျော်ရွှင်စွာလုပ်ဆောင်ပြီး မိမိကိုယ်ကို ဉီးဆောင်နိုင်သူ။
  • အဖွဲ့အစည်း စိတ်ဓာတ်ရှိပြီး အခြားသူများနှင့် တန်းတူညီမျှ ဆက်ဆံလိုစိတ်ရှိသူ။
  • အစဉ်မပြတ်ပြောင်းလဲနေသော တောင်သူများ၏ အမူအကျင့်များကို လေ့လာသုံးသပ်နိင်သူ။
  • တောင်သူများနှင့် လျင်မြန်စွာ ကောင်းမွန်သော ဆက်ဆံရေး တည်ဆောက်နိင်သူ။
  • ချမှတ်ထားသော ရည်မှန်းချက်များအား ပြည့်မှီအောင် ဆောင်ရွက်နိင်သူ။
  • Digital literacy အားကောင်းသူ။
  • မော်တော်ဆိုင်ကယ် ကျွမ်းကျင်စွာ မောင်းနှင်နိုင်သူ၊ ယာဉ်မောင်းလိုင်စင်ရှိသူ။
  • အဖွဲ့အစည်း၏ လိုအပ်ချက်အရ တာဝန်ချရာနေရာအား ပြောင်းရွှေ့နိုင်သူ။

သင်ရရှိနိင်မည့် အခွင့်အလမ်းများ

သင့်အနေဖြင့် မြင့်မားသောလစာ ခံစားခွင့်ရရှိရုံသာမက ကျန်းမာရေးဆိုင်ရာခံစားခွင့်များနှင့် သင့်လုပ်ငန်းစွမ်းရည် တိုးတက်စေနိုင်မည့် အခြားအခွင့်အလမ်းများလည်း ရရှိမည်ဖြစ်သည်။ ထို့အပြင် ရှေ့သို့ဦးတည်စဉ်းစား တွေးခေါ်သူများနှင့် ကောင်းမွန်သော လုပ်ငန်းခွင်မှာ အလုပ်လုပ်ရမည်ဖြစ်ပြီး Proximity School မှတစ်ဆင့် ကမ္ဘာ့အဆင့်မီ ပညာရပ်များကို လေ့လာသင်ကြားခွင့်လည်း ရရှိပါမည်။ သင့်အနေဖြင့် သင့်တာဝန်ဝတ္တရားများကို လုပ်ဆောင်လျက်ပင် မြန်မာနိုင်ငံရှိ အခြေခံလူတန်းစားများအတွက် ပိုမိုကောင်းမွန်သည့် လူမှုဘဝပုံစံကို ပြောင်းလဲပေးသူတစ်ဦးဖြစ်နိုင်သည့် အခွင့်အလမ်းလည်း ရရှိမည် ဖြစ်ပါသည်။

Proximity Designs အကြောင်း

Proximity Designs သည် ကမ္ဘာလုံးဆိုင်ရာအရေးကြီးသောပြဿနာများဖြစ်သည့် ရာသီဥတု ပြောင်းလဲမှု၊ ဆင်းရဲမွဲတေမှု၊ စားနပ်ရိက္ခာမလုံလောက်မှု၊ တန်းတူညီမျှ မရှိမှု နှင့် နိုင်ငံရေးပဋိပက္ခများကို ကိုင်တွယ်ဖြေရှင်းလျက်ရှိသည်။ ကျေးလက်နေပြည်သူ ထောင်ပေါင်းများစွာတို့အား ၎င်းတို့၏ မြေဆီလွှာကို ပြုစုစောင့်ရှောက် ထိန်းသိမ်းကြရန်၊ အစားအစာ ပိုမိုစိုက်ပျိုးရန်၊ ဝင်ငွေ ပိုကောင်းလာစေရန်နှင့် ရာသီဥတုပြောင်းလဲမှုဒဏ်ကို ခံနိုင်ရည်ရှိစေဖို့ လိုက်လျောညီထွေနေထိုင် တည်ဆောက်တက်ရန် ကူညီခြင်းဖြင့် ၎င်းပဋိပက္ခများကို ကိုင်တွယ်ဖြေရှင်းရန် ကျွန်ုပ်တို့က လုပ်ဆောင်ပါသည်။ ကျွန်ုပ်တို့သည် လယ်သမားမိသားစုများကို ပိုမိုအကျိုးဖြစ်ထွန်းစေ၍ အမြတ်အစွန်း ပိုရလာစေပြီး သဘာဝပတ်ဝန်းကျင်ကို ရေရှည်တည်တံ့စေမည့် လိုအပ်သော ထုတ်ကုန်များနှင့် ဝန်ဆောင်မှုများကို ဒီဇိုင်းဆွဲကာ လုပ်ဆောင်ပါသည်။ ကျွန်ုပ်တို့၏ ဝင်ငွေနည်းသော တောင်သူလယ်သမား သုံးစွဲသူများအား အသေးစား ရေသွင်း စိုက်ပျိုးရေး နည်းစနစ်များ၊ ဇီဝမြေသြဇာများနှင့် ဇီဝပိုးသတ်ဆေးများ၊ မြေဆီလွှာကျန်းမာရေး စစ်ဆေးခြင်း ကိရိယာများ၊ ကွင်းဆင်းဆောင်ရွက်ပေးသော သီးနှံကာကွယ်ရေးဝန်ဆောင်မှုများနှင့် လယ်ယာချေးငွေများကဲ့သို့သော ငွေကြေးအကုန်အကျနည်းစေရန် တီထွင်ဆန်းသစ်ထားသည့် နည်းလမ်းကောင်းများကို လက်ဆင့်ကမ်း ပေးလျက်ရှိပါသည်။ လွန်ခဲ့သည့် (၁၈) နှစ်အတွင်း မြန်မာနိုင်ငံတစ်ဝှမ်းရှိ ဆင်းရဲနွမ်းပါးသော စိုက်ပျိုးရေးလုပ်ကိုင်သည့် အိမ်ထောင်စုပေါင်း (၁.၂) သန်းအတွက် အပိုဝင်ငွေ အမေရိကန်ဒေါ်လာ (၇၈၂) သန်းကို ရှာပေးနိုင်ခဲ့ ပါသည်။ ဤသို့ဝင်ငွေတိုးလာခြင်းဖြင့် လယ်သမားများသည် ၎င်းတို့၏ ကလေးများအတွက် ပညာရေး၊ အာဟာရပြည့်ဝသော အစားအစာ၊ ပိုမိုကောင်းမွန်သော ကျန်းမာရေးစောင့်ရှောက်မှုနှင့် ၎င်းတို့၏ လယ်ယာ (သို့မဟုတ်) အခြားကျေးရွာစီးပွားရေးလုပ်ငန်းများတွင် ရင်းနှီးမြုပ်နှံ နိုင်ပါသည်။

လျှောက်ထားရန်-

မိမိတို့၏ ကိုယ်ရေးအချက်အလက်များကို Apply တွင်နှိပ်၍ ပေးပို့လျှောက်ထားနိုင်ပါတယ်။

Proximity သည် လုပ်ငန်းခွင်အမြတ်ထုတ်ခြင်းနှင့် အလွဲသုံးစားပြုခြင်းမှ အကာအကွယ်ပေးခြင်း၊ ကလေးငယ်များအား အကာအကွယ်ပေးခြင်း၊ နှောင့်ယှက်ခြင်းကင်းသော လုပ်ငန်းခွင်၊ ဘဏ္ဍာရေးဆိုင်ရာ သမာသမတ်ရှိမှုနှင့် အခြားများစွာသော အခြားအကျိုးခံစားခွင့်ဆိုင်ရာ မူဝါဒများကို ချမှတ် ကျင့်သုံးသော အဖွဲ့အစည်းဖြစ်ပါသည်။

Proximity သည် လျှောက်ထားသူအားလုံး၏ လူမျိုး၊ လိင်၊ အရောင်အသွေး၊ နိုင်ငံသားဇစ်မြစ်၊ လိင်စိတ်ခံယူမှု၊ အသက်၊ အိမ်ထောင်ရေး အခြေအနေ၊ မသန်စွမ်းမှုတို့နှင့် မသက်ဆိုင်ဘဲ လျှောက်ထားသူအားလုံးကို တန်းတူညီမျှ ထည့်သွင်းစဉ်းစားမည်ဖြစ်သောကြောင့် စိတ်ပါဝင်စားသူများ လျှောက်ထားရန် တိုက်တွန်းအပ်ပါသည်။

Proximity အနေဖြင့် ပဏာမရွေးချယ်ခံရသူများကိုသာ ဆက်သွယ်အကြောင်းကြားမည်ဖြစ်ကြောင်း အသိပေးလိုပါသည်။